Арсен Венгер во последните денови од летниот трансфер период на „Емирати“ го донесе шпанскиот напаѓач Лукас Перез и за него плати 20 милиони евра.
Сепак, Перез добива многу мала минутажа оваа сезона, па јавно преку својот агент порача дека не е среќен и дека сака да ја промени средината.
Уствари викендов е затишје пред бура! ↓↓↓
„Лукас не е среќен во Арсенал и сака да замине по секоја цена. Венгер го купи минатото лето, но не му дава воопшто минутажа. Без разлика кој ќе биде тренер на Арсенал следната сезона, играчот сака да го напушти клубот“, откри агентот.
„Веќе имаме контакти со неколку клубови меѓу кои и Милан. Лукас би бил пресреќен доколку се реализира тој трансфер. Во секој случај сигурно е дека следното лето ќе ја промени средината“, додаде агентот.
Шпанскиот напаѓач оваа сезона одигра само 899 минути за „топџиите“ и постигна 2 гола.