„Газета дело Спорт“ пренесува дека Интер ова лето ќе го продаде Иван Перишиќ поради финансискиот фер-плеј со цел да може да го зголеми буџетот за засилувања ова лето.
Според истиот извор во Милано веќе пристигнала првата понуда. ПСЖ се спрема за летна реконструкција и сака значително да го засили тимот, па испратил понуда од неверојатни 55 милиони евра за хрватскиот репрезентативец.
PSG have made Ivan Perisic a top target for the summer & are ready to pay 55€M for the Croatian (@Gazzetta_it) #PSG #FCIM #Inter
— Tom Scholes (@TomScholes316) May 24, 2017
Уствари викендов е затишје пред бура! ↓↓↓
Интер има намера да ја прифати оваа понуда, но медиумите тврдат дека се чека одговор од Жозе Мурињо кој сака да го донесе Перишиќ во Манчестер Јунајтед. Заинтересиран е и Антонио Конте, но Челзи не е спремен да ја изедначи пондата на парискиот клуб.
Доколку се реализира овој трансфер, Перишиќ ќе стане најскапиот хрватски фудбалер на сите времиња и ќе биде платен дури 25 милиони евра повеќе од досегашните рекордери Лука Модриќ и Матео Ковачиќ.