Видео: Младинците мелат се пред себе – падна и Бугарија!

Репрезентацијата до 21 година која ќе патува на Европското првенство (ЕП) во Полска извојува нова победа, откако во Скопје во пријателски меч со минимални 1-0 ја совлада Бугарија.

Надежите на Милевски покажаа допадлива игра и цел меч го диктираа темпото на игра, па заслужено дојдоа до победата. Единствениот гол во мрежата на Бугарите го постигна Марјан Радески, кој погоди во 43-та минута, по асистенција на Ѓорѓев.

Победата е сосема заслужена иако можеше да биде изразена со уште некој гол имајќи предвид дека во 85-та минута Петар Петковски не искористи удар од белата точка.

Милевски со победата над Бугарија ја продолжи победничката низа во репрезентацијата и воедно остана без пораз во Скопје како селектор на У21-репрезентацијата.