„Билд“ потврди: Роберт Левандовски не игра против Реал!

Најдобриот стрелец на Баерн Минхен, Роберт Левандовски нема да игра против Реал Мадрид во првиот меч од четвртфиналето во Лигата на шампиони!

Добро информираниот германски весник „Билд“ потврди дека Левандовски нема да биде ни на клупата за резерви поради повреда на рамото, а неговото место како централен напаѓач ќе го заземе Томас Милер.

Полскиот центарфор заработи незгодна повреда на дербито против Борусија Дортмунд во Бундеслигата, па и покрај сите напори на лекарите, сепак не успеа да се опорави за дуелот со Реал.

Неговото отсуство сигурно ќе биде голем хендикеп за Баерн, доколку му се верува на „Билд“, но тоа е медиум кој многу ретко греши, особено кога се Баерн во прашање.