Дома Топ вести „Спорт“ ја „тресе“ Каталонија: Нејмар размислува за заминување?!

„Спорт“ ја „тресе“ Каталонија: Нејмар размислува за заминување?!

16 секунди
0
8,969

Каталонскиот „Спорт“ денес пренесува една загрижувачка вест за навивачите на Барселона.

Напаѓачот на Барселона, Нејмар, за прв пат сериозно размислува за заминување од „Ноу Камп“.

Наводно, Нејмар ова лето прв за прв пат имал доволно време да размисли и да ги разгледа своите опции за продолжување на кариерата.

Причината е јасна – Нејмар освои се што можеше да се освои, повеќе пати беше шампион на Шпанија, ја освои Лигата на шампионите, сите купови и СП за клубови, но му недостасува еден трофеј – ЗЛАТНАТА ТОПКА.

Нејмар повеќе пати од различни страни добиваше совети да размисли дали сака да остане во Барса и да биде вечна сенка на Лионел Меси или да премине во клуб каде што ќе биде прва ѕвезда и ќе има шанса да се бори за Златната топка.

„Спорт“ открива дека Нејмар прв пат размислува за својата иднина, а очекувано, одредени клубови веќе се спремни да тргнат по потписот на Бразилецот.

Јасно е дека нема многу клубови кои можат да си го дозволат Нејмар, неговата откупна клазула изнесува 220 милиони евра и со текот на времето ќе порасне и до 250.

Очигледно дека само три клуба се спремни да ја платат таа сума, Манчестер Јунајтед, Манчестер Сити и ПСЖ, иако се шпекулираше дека и Флорентино Перез би можел да тргне во напад на Бразилецот.

Споменатиот медиум потсетува и на изјавата на Нејмар која ја даде неодамна.

„Кој знае што ќе се случи утре? Се е можно, кој знае, Манчестер? Можеби…или можеби и Еибар“, изјави Нејмар.

Прочитајте поврзани статии
Повеќе S. D.
Load More In Топ вести

Проверете

ФОТО – Застрашувачки: Погледнете како би изгледал Палермо да НЕ би ги продавал своите играчи

Палермо е екипа која создава големи играчи, ова ќе го потврди овој застрашувачки состав на…