Дома Луд Спорт Неверојатно: Доживотна суспензија за ирански фудбалери кои играле против Макаби

Неверојатно: Доживотна суспензија за ирански фудбалери кои играле против Макаби

0 секунди
0
483

Иранската влада денес ги суспендира двајцата фудбалери кои настапуваат за Паниониос, Ехсан Хајсафи и Масуд Шојаеи, бидејќи биле во тимот на натпреварот против Макаби од Тел Авив.

Иран не го признава Израел и спортистите имаат забрана да се натпреваруваат против тимови или поединци од оваа земја. Според иранската влада, фудбалерите ја прекршиле државната политика.

„Ја поминаа црвената линија и сигурно е дека повеќе нема да играат за националниот тим. Тие имаат финансиски договор со тимот, но да играат против претставници на тој одвратен режим е недопустливо за иранскиот народ“, изјави заменик-министерот за спорт во владата на Иран, Мохамад Реза Даварзани.

Еден од суспендираните играчи, Шоајеи, кој за националниот тим одигра 70 натпревари, пред два месеца беше на ударот на јавноста кога го прашал иранскиот претседател дали нивните сопруги ќе може да присуствуваат на натпревар во квалификациите.

Во Иран жените од 1979 година не смеат да одат на стадионите и да гледаат во живо спортски натпревари.

Прочитајте поврзани статии
Повеќе P. K.
Load More In Луд Спорт

Проверете

ТИ СИ ГОМНО: Еден од најдобрите напаѓачи во светот го нападна судијата!

Антоан Гризман може да добие дури 4 натпревари суспензија откако заработи црвен картон про…