Дома Фудбал Репрезентации Квалификации за СП: Германија убедлива, Англија едвај!

Квалификации за СП: Германија убедлива, Англија едвај!

2 секунди
0
199

Актуелниот светски шампион Германија со убедлива победа над Норвешка ги започна квалификациите за СП 2018, додека Англија победи во последните минути против Словачка.

Германија доминираше во текот на целиот натпревар, и многу лесно нејзините играчи доаѓаа до противничкиот казнен простор, па лесно можеше да се случи нивната победа да биде уште поуверливо изразена. Двоен стрелец за Германија беше Томас Милер во 16 и 60 минута, а во 45-та погоди и Џошуа Кимих.

Во Групата Е во Букурешт Романија и Црна Гора ги поделија бодовите (1-1), со головите постигнат во последните пет минути. Прво домаќините поведоа во 85 минута преку Адријан Попа, а две минути подоцна изедначи Стеван Јоветиќ.

Во оваа група Полска претходно на гостувањето во Казахстан ја испушти предноста од два гола направена веќе во 35 минута од натпреварот и дозволи домаќинот со два брзи гола да израмни на 2-2. Данска очекувано ја совлада Ерменија со 1-0.

Англија со новиот селектор оствари значајна победа на гостувањето во Словачка. Иако во текот на целиот меч ја имаа иницијативата, а речиси 40 минути поради непромислениот потег на словачкиот стопер Мартин Шртел кој заработи дефинитивно втор жолт картон и исклучување, Англичаните не успеваа да ја пробијат домашната одбрана. Сепак, по истекот на четирите минути од судиското продолжување, Лалана од мешаница среќно постигна гол.

Прочитајте поврзани статии
Повеќе P. K.
Load More In Репрезентации

Проверете

Нов шмекерски потег на Јирген Клоп: Ова е една од причините поради кои жените паѓаат на него (Видео)

Во второто коло од ЛШ, Ливерпул ќе гостува кај Спартак во Москва, а токму во пресрет на то…